Үрге Тәтешлелә тиҙ шахмат турниры уҙҙы

Үрге Тәтешле ауылының Ғәли Сокорой  исемендәге гимназияһында Дамир Әхмәтов иҫтәлегенә арналған тиҙ шахмат буйынса асыҡ турнир уҙҙы.

Дамир Хужи улыныңың туғандары һәм яҡындары, район хакимиәте башлығы Денис Солтанов, хакимиәт башлығының социаль мәсьәләләр буйынса урынбаҫары Әлфиә Шәйнурова һәм «Башҡортостан Республикаһының шахмат федерацияһы» төбәк йәмәғәт ойошмаһы ағзаһы Илнур Вәлиев сараның абруйлы ҡунаҡтары булды. Тиҙ шахмат турниры ҡатнашыусыларҙы яҡынайтыу, шахмат һөйөүселәрҙе берләштереү һәм күптәр өсөн ысын өлгө булған шәхестең иҫтәлеген хөрмәтләү мөмкинлегенә әйләнде.