Краснокама районы делегацияһы Бөтә Рәсәй муниципаль форумында ҡатнашты

Краснокама районы делегацияһы Мәскәүдә III Бөтә Рәсәй «КЕСЕ ВАТАН – РӘСӘЙҘЕҢ КӨСӨ» муниципаль форумында ҡатнашты. Президент Владимир Путин ҡатнашлығында үткән был масштаблы сара Калининградтан Камчаткаға тиклем 89 төбәктән 7 меңгә яҡын муниципаль идара вәкилдәрен йыйҙы, шулар арһында - краснокамалар.

Болар:

• Алексей Горбачёв (район хәкимиәте башлығы)

• Эльвира Гилязетдинова (Шушнур ауыл биләмәһе)

• Вилена Шакиева (Музәк ауыл биләмәһе)

• Илшат Башаров (Яңы Ҡабан ауыл биләмәһе)

• Илфас Исламов (Яңы Нуғай ауыл биләмәһе)

• Илүс Хайбрахманов (Курый ауыл биләмәһе)

• 

Форум сиктәрендә дәүләт башлығы ҡушыуы буйынса булдырылған өсөнсө муниципаль премия «Хеҙмәт» («Служение») тапшырылды. Лауреаттар араһында күп төбәктәр, шул иҫәптән Башҡортостан вәкилдәре лә бар: Өфөнән йәш шағирә Полина Дудко һәм уның остазы Валентина Урлапова «Киләсәк быуындарға бөйөк мираҫ» номинацияһында еңеүсе булды.

Ҡатнашыусыларға мөрәжәғәт иткәндә Владимир Путин былай тип белдерҙе: «Муниципаль идаралыҡҡа бәйле бөтә нәмә ил өсөн айырым әһәмиәткә эйә, сөнки был халыҡ менән туранан-тура бәйләнеш, иң мөһим мәсьәләләрҙе хәл итеү».Президент тарихи биләмәләрҙә һәм сик буйы төбәктәрендә эшләүсе командаларҙың батырлығын айырым билдәләп, өҫтәп ҡуйҙы: «Беҙҙең барыбыҙ ҙа илдең суверенитеты һәм хәүефһеҙлеген нығытыу өсөн эшләйбеҙ».

«Кесе Ватан – Рәсәйҙең көсө» форумы тағы бер ҡат иҫбатланы: беҙҙең ауыл башлыҡтары — бары тик етәкселәр генә түгел, ә дәүләт сәйәсәтенең төп звеноһы. Ошо диалогтың үҙәгендә Краснокама районы булды.