Нефтекамалы Илья Золотухин - музыка рейтингтары енеүсеһе

Нефтекама егете, «Бонд с кнопкой» төркөмөнөң солисы, шағир һәм музыкант Илья Золотухин «Forbes» журналының «30-ға тиклем 30» абруйлы рейтингының «Музыка» категорияһында еңеүсе булды. Был уңыш коллективтың популярлығы артыуының логик дауамы булып тора.

2025 йылдың февралендә төркөмдөң «Яндекс Музыка»лағы айлыҡ аудиторияһы 1 миллион тыңлаусы сиген үтте. Ошо ваҡиғанан һуң сыҡҡан «Кухни» трегы социаль селтәрҙәрҙә таралды һәм Spotify-ла 11 миллиондан ашыу тапҡыр тыңланды. Төркөмдөң «Дом», «Камушки» һәм «Сидр» кеүек башҡа хиттары ла миллионлаған тыңлау йыйҙы.

Шуны билдәләп үтергә кәрәк, дөйөм оҙон исемлеккә Forbes версияһы буйынса Рәсәйҙең төрлө өлкәләренән иң перспективалы 100 йәш кеше инде: эшҡыуарлыҡ һәм финансларҙан алып фән, спорт һәм сәнғәткә тиклем.

Коллективтың еңеүҙәре бының менән генә тамамланманы. Яңыраҡ «Бонд с кнопкой» төркөмөнөң Muz-TV премияһына лайыҡ булыуы мәғлүм булды. Бында улар «Йыл асышы» номинацияһында наградланы.