Район хакимиәте башлығы күп балалы ғаиләгә ярҙам итте

Тиҙҙән Ольга һәм Ирина Ишембаевтар тәүге тапҡыр парта артына ултырасаҡ. Ошо көндәрҙә игеҙәктәр әсәйҙәре Регина Ансаф ҡыҙы, өлкән ағалары Демид, Тарас һәм һеңлеләре Александра менән бергә Яңауыл ҡалаһының сауҙа нөктәләренең береһендә кәрәкле мәктәп кәрәк-яраҡтарын һатып алды. Уларға «Мәктәпкә йыйылырға ярҙам ит» хәйриә акцияһы сиктәрендә район хакимиәте башлығы Салауат Ғилмиев ярҙам итте.