Иң яҡшы бейеүсе – Нефтекаманан

«ТНТ-ла бейеү» программаһының сираттағы сығарылышы Өфөлә төшөрөлгән. Был уңайҙан баш ҡалаға Егор Дружинин, Татьяна Денисова һәм Мигель килгән. Бында илдең төп бейеүселәр проектына йәш бейеүселәрҙең 5-се кастингы үткән.

Кастингҡа Ҡазан, Яр Саллы, Киев һәм башҡа ҡалаларҙан, Израилдән талантлы бейүселәр килгән. Өйрәтеүсе-остаздарҙың хуплауына бер нисә Өфө бейеүсеһе һәм Нефтекаманан 25 йәшлек Артур Ғүмәров лайыҡ булған.

Артур стретчинг, клуб бейеүҙәре, ә брейк-данс менән 10 йыл – 2008 йылдан алып шөғөлләнә. Уның еңеү ҡумтаһында брейк-данс буйынса «Иҫке мәктәп» Бөтә Рәсәй (2017), «Казань Combination» (2016 ) фестивалдәрендә еңеү бар. Әлеге ваҡытта ул Мәскәүҙә йәшәй һәм был еңеүе менән бик ғорурлана.