Суп-сар сығарыуға бәйле "ҡыҙыу линия" эшләй

Башҡортостан кешеләре сүп-сар сығарыуға бәйле һорауҙарын "ҡыҙыу линия"ға шылтыратып бирә ала. Республикала 4 зона билдәләнде, һәр береһе өсөн айырым оператор-компания яуаплы. Мәҫәлән, Өфөләге "Ҡаланы таҙартыу буйынса махсус автомобиль хужалығы" предприятиеһы Өфө ҡалаһында һәм 14 районда сүп-сар эшкәртеү өсөн яуап бирә. Шулай уҡ тағы өс операторҙың "ҡыҙыу линия"лары бар. Тулы мәғлүмәттәр Тәбиғәттән файҙаланыу һәм экология министрлығының рәсми сайтында урынлашҡан. 1 ғинуарҙан Республикала сүп-сар сығарыу өсөн барыһы ла түләй башлай.