Еңеүселәр араһында – Нефтекама уҡытыусылары

«Электрон саралар ҡулланып уҡытыу буйынса иң яҡшы дәрес» республика конкурсына йомғаҡ яһалды. Конкурсҡа республиканың төрлө ҡалала һәм райондарынан 160-тан артыҡ эш тәҡдим ителгән. Эксперттар улар араһынан иң яҡшыларын һайлап алған.

Еңеүселәр һәм лауреаттар араһында Нефтекама ҡалаһынан да уҡытыусылар бар. Ләйсән Пыжьянова (3-сө мәктәп), Гөлназ Ғарипова (башҡорт гимназияһы), Миләүшә Шәкирйәнова (42-се балалар баҡсаһы) еңеүселәр рәтендә булһа, Гөлнара Ғимаева (15-се мәктәп), Ирина Камалетдинова, Сулпан Ғөбәйҙуллина (28-се балалар баҡсаһы), Миләүшә Кривченкова (10-сы мәктәп «Белем биреү үҙәге»), Флүсә Хәмидова (7-се мәктәп) лауреаттар рәтендә. Еңеүселәрҙе ысын күңелдән ҡотлайбыҙ!