«Миләшкәй»ҙә шәжәрә байрамы үтте

Бөгөн, 19 февралдә, Яңауылдың 9-сы «Миләшкәй» балалар баҡсаһында шәжәрә байрамы үтте. Сара Еңеүҙең 75 йыллығына һәм Башҡорт теле йылына арналды.

Дүрт ғаилә – Шәймарҙановтар, Харисовтар, Шәмсиевтар һәм Нурмөхәмәтовтар - Еңеүҙең 75 йыллығына бағышланған альбомдарҙы презентацияланы, шулай уҡ һуғышта ҡатнашыусы олатайҙарҙың хаттарын уҡып ишеттерҙе.

Шәжәрә байрамында район ҡоролтайы башҡарма комитеты рәйесе Рафаил Яхин да ҡатнашты. Ул балаларҙа ғөрөф-ғәҙәттәргә, ғаилә традицияларына, йәдҡәрҙәренә ҡыҙыҡһыныу уятырлыҡ йөкмәткеле сара әҙерләгәндәре өсөн балалар баҡсаһы мөдире Ирина Хановаға һәм тәрбиәсе Гөлназ Абдуллинаға рәхмәтен белдерҙе.