Һөнәр һайлау – етди эш

14 мартта Яңауыл районының Иҫке Вәрәш мәктәбендә “Бөтә һөнәрҙәр ҙә яҡшы” тип аталған класс сәғәте үтте - 5-8 класс уҡыусыларына ҡунаҡҡа район ауыл хужалығы идаралығының баш зоотехнигы Нәфҡәт Мөғәллимов килде.

Ул ауыл хужалығында ниндәй белгестәр кәрәк булыуы хаҡында бәйән итте.

- Һөнәр һайлағанда етди уйлағыҙ. Был ҡарарығыҙ менән бөтә хеҙмәт юлығыҙ, тормошоғоҙ бәйле булыуын онотмағыҙ. Һәммәгеҙгә лә уңыштар насип булһын! - тигән теләктәр еткерҙе Нәфҡәт Борис улы. - Һайлаясаҡ һөнәрегеҙ һәләттәрегеҙгә, ынтылыш-ҡыҙыҡһыныуҙарығыҙға тап килһен, ғүмерлеккә яратҡан эшегеҙ булһын.