Уңайлы ваҡытта отпуск алырға мөмкин

Дәүләт Думаһы, балаларына ун ике йәш тулмаған осраҡта, күп балалы ата-әсәләргә үҙҙәренә уңайлы ваҡытта отпуск алыу мөмкинлеге биргән закон проектын ҡабул итте.

Законға ярашлы, күп балалы ата-әсә отпуск ваҡытын үҙе һайлаясаҡ. Проект авторы фекеренсә, Хеҙмәт кодексына үҙгәрештәр индереү, күп балалы ғаиләләр тормошон уңайлыраҡ итеү маҡсатында башҡарыла. Яңы закон ата-әсәләргә балаларҙы тәрбиәләү эшенә күберәк ваҡыт бүлергә мөмкинлек бирәсәк.