Яңауыл вундеркинды гимназияға еңеү килтерҙе

Бөтә Рәсәй уҡыусылар олимпиадаһының төбәк этабында 13 йәшлек 9 класс уҡыусыһы биология буйынса призер булды

Бөтә Рәсәй уҡыусылар олимпиадаһының төбәк этабында Яңауыл районынан тағы ла бер еңеүсе бар. Ул — И.Ш.Мөҡсинов исемендәге гимназияның 9 класс уҡыусыһы Саид Ахмади (етәксеһе Альбина Атдинова).

“Уның еңеүе лайыҡлы”, — ти гимназия уҡытыусылары.

Саид Ахмади — бик һәләтле уҡыусы, 13 йәштә генә булыуына ҡарамаҫтан, 9 класта белем ала. Мәғариф учреждениеһынан хәбәр итеүҙәренсә, ул элек Когалым ҡалаһында биология һәм йәмғиәтте өйрәнеү фәндәренән үткән күп һанлы олимпиадаларҙа ла еңеүсе һәм призер булған.