+27 °С
Облачно
Республика яңылыҡтары
20 Мая 2021, 07:47
365 китап һанлы форматҡа күсерелде
Башҡортостандың Мәҙәниәт министрлығынан хәбәр итеүҙәренсә, Әхмәтзәки Вәлиди исемендәге Милли китапхана китап ҡомартҡыларын һанлаштырыу буйынса эште дауам итә. Эш Рәсәй Президенты Владимир Путиндың май указы менән раҫланған “Мәҙәниәт” милли проектына һәм “Һанлы мәҙәниәт” төбәк проектына ярашлы башҡарыла. Әле 365 китап ҡомартҡыһы һанлаштырылған.#национальныепроекты#нацпроекты#региональныепроекты#регпроекты#нацпроектыБашкортостан
Башҡортостандың Мәҙәниәт министрлығынан хәбәр итеүҙәренсә, Әхмәтзәки Вәлиди исемендәге Милли китапхана китап ҡомартҡыларын һанлаштырыу буйынса эште дауам итә. Эш Рәсәй Президенты Владимир Путиндың май указы менән раҫланған “Мәҙәниәт” милли проектына һәм “Һанлы мәҙәниәт” төбәк проектына ярашлы башҡарыла. Әле 365 китап ҡомартҡыһы һанлаштырылған.
2021 йылға ҡулъяҙмалар һәм һирәк осрай торған баҫмалар фондынан тағы ла 100 уникаль китапты һанлаштырыу күҙаллана. Әйткәндәй, шуларҙың 50-һе “Башҡортостан Республикаһының Милли электрон китапханаһы” сайтында урынлаштырылған.
“Һанлаштырыу ғәмәле ярҙамында мәҙәниәттең мөһим ҡомартҡыларының береһен тәшкил иткән китаптар һаҡлап ҡалына, күптәр улар менән танышыу мөмкинлегенә эйә була. Эш өсөн һайлап алынған баҫмаларҙың барыһы ла юғары рухи һәм матди ҡиммәткә, айырым тарихи, ғилми һәм мәҙәни әһәмиәткә эйә", – тине Милли китапхана директоры Юлдаш Ураҡсин.
Һанлаштырылған китаптар менән “Башҡортостан Республикаһының Милли электрон китапханаһы” сайтында (http://ebook.bashnl.ru/) танышырға мөмкин. Сайтҡа индерелгәнгә тиклем китапхана хеҙмәткәрҙәре күләмле ойоштороу, эксперт һәм технологик ғәмәлдәрҙе башҡара.
Фото: srk.nationalpriority.ru/press_releases/99001
Сығанаҡ: "Башҡортостан" гәзите сайты