Нефтекаманың өлкән йәштәге кешеләре Өфөлә экскурсияла булды

Республикабыҙҙа “Туризм” милли проектын тормошҡа ашырыу сиктәрендә “Башҡорт оҙон ғүмерлеге. Туризм” проекты дауам итә. Ошо көндәрҙә хаҡлы ялдағы Нефтекама халҡы өсөн баш ҡалала “Өфө ҡунаҡтар ҡаршылай” тип аталған бер көнлөк тур үтте.

Сәфәр программаһы Өфө ҡалаһының тарихи үҙәге буйынса экскурсиянан башланды. Уның барышында туристар Рудольф Нуриев, Федор Шаляпин, Сергей Аксаков кеүек баш ҡалабыҙҙың билдәле һәм күренекле шәхестәре менән танышты. Шулай уҡ Өфө тарих музейында булдылар. Экскурсия билдәле Өфө лимонарийында тамамланды.