Республикала уҡыусылар һәм студенттар электричкала ярты хаҡҡа йөрөргә мөмкин

Башҡортостанда 1 сентябрҙән уҡыусыларға электричкала йөрөү өсөн 50% ташлама бирелә. Льготанан 7 йәше тулған уҡыусылар һәм юғары уҡыу йорттары, урта махсус уҡыу йорттары, башланғыс һөнәри белем биреү училищеларының көндөҙгө бүлегендә белем алған студенттар файҙаланырға мөмкин.

Тәүгеләре — белешмә, икенселәре студент билетын күрһәтергә тейеш.

Силәбе өлкәһенән үткәндә ошондай уҡ ташлама бирелә, ә Ырымбур биләмәһендә дисконт 25% тәшкил итә, тип хәбәр иттеләр Башҡортостан Республикаһының Транспорт һәм юл хужалығы министрлығынан.

Сығанаҡ: «Башинформ» мәғлүмәт агентлығы.