Тыл ветераны Хәжәр Назмутдинова: «Беҙ кандидаттарға тормошобоҙҙо ышанып тапшырабыҙ»

Хәжәр Заһит ҡыҙы 1930 йылдың 1 апрелендә Татарстанда тыуған. «Һуғыш башланғанда, мин кескәй инем әле, әммә өлкәндәр менән бер тигеҙ колхоз ҡырҙарында тир түктем», - ти ул. Хәжәр Заһир ҡыҙы – өс бала әсәһе, уның бөгөн 7 ейәне, 12 бүләһе бар.

«Һайлауҙарҙы ҡалдырмайым, гел ҡатнашам, -  ти ул. -  Иң мөһиме – беҙ һайлаған кандидаттар илебеҙҙә тыныслыҡ булһын барыһын да эшләһен. Беҙгә, пенсионерҙарға, күп кәрәкмәй – илдә тыныслыҡ булһын, ашарға икмәк булһын. Йәштәргә  эшләргә, үҫешергә,  балалар тәрбиәләләргә мөмкинлектәр булһын».