Балыҡ та тоттолар, уйын да уйнанылар

Был ярыштарҙы үткәреү районда матур йолаға әүерелде һәм бирелә ауыл биләмәләренән иң әүҙем пенсионерҙар йыйыла. Ҡатнашыусылар араһында башлап уйнаусылар ҙа, үҙ көстәрен бер нисә тапҡыр һынаусылар ҙа бар. Ҡуян ауыл Советынан Физәлиә Кәшбелғаянова ла өлкәндәр араһында үткәрелгән сараларҙа даими ҡатнаша, быйыл балыҡ тотоу спорты ярыштарында ҡатнашырға булған. Юҡҡа ғына түгел — ул 2 урын яуланы.

“Бөгөн ел көнсығыштан иҫә, шуға балыҡ тотолмай. Ярыштар булмаһа, мин балыҡ тоторға килмәҫ инем”, — ти Николо-Березовканан 3 урын яулаусы Муса Ситдиҡов. Балыҡ тотоу спорты буйынса 1 урынға Сауыҙбаш ауыл биләмәһенән Зина Хөсәйенова лайыҡ булды. “Мин ете йәштән балыҡ тотам, — ти ул, — балыҡ тотоуҙың бөтә серҙәренә лә атайым өйрәтте. Ә хәҙер минең менән балыҡҡа ейәндәрем йөрөй”.

Хоккей коробкаһында үткән бура уйыны спорты буйынса ярыштар бик күңелле үтте. Бирелә көслө заттар ғына көс һынашты һәм бәхет Ҡуян ауылынан Назиф Мәүлетовҡа йылмайҙы — ул 1 урын яуланы.