Мәктәп уҡыусылары Волгоградҡа патриотик экскурсияға барып ҡайтты

Яңауыл ҡалаһының 1-се мәктәбенең  7 класс уҡыусылары Волгоградҡа өс көнлөк экскурсияға барып ҡайтты.Тарихи ҡалала уларҙы урындағы хакимиәт вәкилдәре ҡаршы алды, балалар беренсе көндән үк иҫтәлекле урындар буйлап сәйәхәт итте.

Волгоградҡа экскурсия ойоштороу башланғысы менән ЮНЕСКО эштәре буйынса Башҡортостан комитеты һәм эре туристик ойошмаларҙың береһе сыҡҡайны. Проект төбәктең мәғариф һәм фән министрлығы тарафынан хуплау тапты.

«Берҙәм Рәсәй» фирҡәһе ярҙамы менән Халыҡтар берҙәмлеге көнөндә сәйәхәткә юлланыусыларға финанс ярҙам күрһәтелә.