Яңы Ҡайынлыҡтар ҡумыҙда уйнарға өйрәнә

Ғинуарҙың тәүге яртыһында Яңы Ҡайынлыҡ ауыл мәҙәниәте хеҙмәткәрҙәре саҡырыуы буйынса донъяның виртуоз ҡумыҙсыһы, Башҡортостан Республикаһының халыҡ артисы, атҡаҙанған мәҙәниәт хеҙмәткәре Миңлеғәфүр Зәйнетдинов килде.

Миңлеғәфүр Миңләхмәт улы башҡорт халҡының ғөрөф-ғәҙәттәрен, халыҡ музыка ҡоралдарын пропагандалау буйынса әңгәмә алып барҙы, балаларҙы һәм өлкәндәрҙе ҡумыҙҙа уйнарға өйрәтеү буйынса оҫталыҡ класы күрһәтте. Музыка ҡоралдарын Яңы Ҡайынлыҡ ауыл мәҙәниәт йорто район Хакимиәте башлығының гранты иҫәбенән алған.