Яңауылда Фәрит Рәхимйән улы Саттаровтың туғандарын эҙләйҙәр

Яңауылда 1944 йылда авиаһәләкәттә һәләк булған Фәрит Рәхимйән улы Саттаровтың туғандарын эҙләйҙәр. Бындай үтенес менән «Талалихинцы» региональ-ара илһөйәр йәмәғәт ойошмаһы һәм Мәскәүҙән «Обелиск»  эҙләнеү отряды мөрәжәғәт итә.

Фәрит Саттаровтың 1926 йылда тыуыуы, Яңауыл район хәрби комиссариатынан 1943 йылдың 6 ноябрендә хеҙмәткә алыныуы, 1944 йылдың 12 авгусында Силәбе өлкәһендә һәләк булыуы билдәле.