Ағиҙелдә «Бала саҡ планетаһы» фестивале үтте

Был фестиваль ҡалала дүртенсе тапҡыр үтә. Ул балалар баҡсаларында тәрбиәләнгән иң талантлы балаларҙы берләштерә. Һуңғы фестиваль 2019 йылда үткәйне, пандемия арҡаһында ул ике йыл үткәрелмәне. Шуға ла быйылғы конкурсты балалар, педагогтар, ата-әсәләр түҙемһеҙлек менән көтөп алып, етди әҙерләнделәр.

Балалар биш төрлө номинацияларҙа сығыш яһаны: вокал-хор менән йырлау, бейеү, музыка ҡоралдарында уйнау, йырлап музыка ҡоралында уйнау һәм оригиналь жанр. Жюри егерменән артыҡ номерҙы ҡараны.

Гран-приҙы 5-се һанлы «Пин һәм Гвин» балалар баҡсаһында тәрбиәләнеүсе биш йәшлек Мансур Сайфутдиаров яуланы. Ул «Минең менән йырла!» тип аталған йырҙы башҡарып, тамашасы һәм жюриҙы артислыҡ таланты менән таң ҡалдырҙы.

Автор:Ирина Вильданова

Читайте нас

Новости партнеров