Барбер «Мәктәпкә йыйынырға ярҙам ит» хәйриә акцияһына ҡушылды

Әле «Мәктәпкә йыйынырға ярҙам ит» хәйриә акцияһы бара.

Республикабыҙҙа йыл һайын ойошторолған был сара август аҙағына тиклем дауам итәсәк. Уның маҡсаты – ауыр тормош хәлендә ҡалған ғаиләләргә ярҙам итеү, балаларҙы яңы уҡыу йылына әҙерләү.

Был акцияға Яңауылдан Динар Хөснуллин да ҡушылды. Ул малайҙарҙың сәсен ҡырҡа.  

Акцияға ҡушылырға әле лә һуң түгел: кәнсә тауарҙары, дәфтәрҙәр, һүрәт төшөрөү өсөн кәрәк-яраҡтар, балалар ижады өсөн йыйылмалар яңы килеш ҡабул ителә; портфелдәр, мәктәп формаһы, дәреслектәр, нәфис әҙәбиәт – яңы йәки һәйбәт торошта.

Сараға йомғаҡ сентябрь башында яһаласаҡ. Акцияла иң әүҙем ҡатнашыусыларҙың исемлеге Ғаилә, хеҙмәт һәм халыҡты социаль яҡлау министрлығы, семьярб.рф ғаилә порталында урынлаштырыласаҡ.

 Фото Рөстәм Санговтыҡы.