Ағиҙелдә илһөйәрлеккә бағышланған балалар йыр конкурсы үтте

Конкурс бер нисә номинацияла үтте, унда балалар баҡсаларында тәрбиәләнеүселәрҙән башлап уртансы кластар уҡыусыларына тиклем көс һынашты. Рус, татар, башҡорт телендә Бөйөк Ватан һуғышы йылдары, хәҙерге эстрада, халыҡ йырҙары, саундтректар яңғыраны. Еңеүселәр дипломдар менән бүләкләнде.

Әммә, мәғариф бүлеге начальнигы Ирина Шурупова билдәләүенсә, бындай сарала еңелеүсе булмай, сөнки уға әҙерлек барғанда уҡ балаларҙа илһөйәрлек, Ватан геройҙары менән ғорурланыу тойғоһо тәрбиәләнә.