Ағиҙелдә инклюзия фестивале үтте

Фестиваль башланыр алдынан «Ағиҙел» спорт-ял итеү үҙәге фойеһында төрлө оҫталыҡ кластары үтте, медицина хеҙмәткәрҙәре, психологтар, социаль хеҙмәткәрҙәр консультациялар үткәрҙе.

Концертта инвалид балалар үҙҙәре генә лә, ата-әсәләре менән дә сығыш яһаны. Улар йырланы, бейене, шиғыр һөйләне. Өлкәндәр ҙә бейеү һәм шиғыр һөйләү номерҙарын күрһәтте. Сарала ҡатнашҡан бөтә артистар ҙа спонсорҙарҙан бүләктәр алды.