Йым-йым итте шыршыҡай

Кисә, 20 декабрҙә, Яңауыл ҡалаһында шыршы үҙ уттарын ҡабындырҙы. Хәҙер шыршы-ҡупшыҡай төрлө төҫтәрҙә балҡып ултыра. Бигерәк тә балаларҙың ҡыуанысы ҙур: улар күмәкләшеп фотоға төшә, нисә төҫтә яныуын бер-береһен уҙҙырып һанарға тырыша.

Ҡыш бабайҙар парады менән башланған матур тамаша артабан Үҙәк майҙанда дауам итте. Яңы йыл ҡотлауҙары, төрлө уйындар, йыр-моң Яңы йыл байрамы яҡынлашыуын иҫкәртте, һәр кемгә байрам кәйефе өҫтәне.