Ағиҙелдә сәләмәтлек көнөн билдәләнеләр

Уны физкультура, спорт һәм йәштәр сәйәсәте бүлеге хеҙмәтсәндәре ойошторҙо. Байрам менән майҙансыҡҡа йыйылған халыҡты бүлек етәксеһе Алена Әхтәмова һәм ҡала хакимиәте башлығы урынбаҫары Эдуард  Йосопов ҡотланы.

Сарала өлкән йәштәгеләр һәм сәләмәтлектәре сикләнгән балалар үтә лә әүҙем ҡатнашты. Улар башта сәләмәтлек һәм спорт темаһына бағышланған  викторина  һорауҙарына яуап бирҙе, аҙак фитнес  тренеры  Бруйко Регинаға ҡушылып ҡыҙыҡлы гимнастика эшләне.

Сарала ҡатнашыусылар яҡшы кәйеф алды һәм энергия тупланы.