Ағиҙел командаһы – беренсе урында

11-15 майҙа Өфөлә V Евразия һуғыш сәнғәте уйындары үтте. Унда 24 илдән, Рәсәйҙең 60 өлкәһенән  4,2 мең спортсы йыйылды. Барлығы 30 спорт федерацияһы вәкилдәре ҡатнашты.

Ағиҙел командаһы уйындарҙа мас-рестлинг буйынса  ҡатнашты. Олег Лутчин, Шахром Шәрифбеков, Альмир Садыков һәм Искәндәр Беканов шәхси ярыштарҙа призлы урындар яулап, команданы республика ҡалалары араһында беренсе урынға сығарҙылар.