Ағиҙелдә «Башҡорт ихаталары» программаһы буйынса төҙөкләндереү эштәре бара

Академик Курчатов урамындағы 7 йортта йәшәүселәр быйылғы йәйҙе түҙемһеҙлек менән көттөләр – былтыр эшләнәһе эштәр финанслау булмау арҡаһында быйылға кисектерелде.

Үткән йылда күрше йорт эргә8ен төҙөкләндереп, машина ҡуйыу урыны эшләнеләр. Ә был йорт алдында балалар майҙансығы буласаҡ. Унда асфальт һалыу эштәре тамамланды ине. Хәҙер майҙансыҡҡа резина япма түшәһе һәм ҡоролмалар ҡуяһы ҡалды. Шулай уҡ оҙаҡламай яҡтыртыу һәм йәшелләндереү эштәре  башланасаҡ.