Башҡортостанда минималь эш хаҡы һәм йәшәү минимумы артты

Башҡортостанда минималь эш хаҡы 2024 йылдың ғинуарынан 22 128 һум тәшкил итәсәк. Рәсәй буйынса был күрһәткес 19 242 һум, республика күрһәткесе ғәҙәттәгесә 15 процент Урал коэффициенты иҫәбенә юғарыраҡ була. 2023 йылға ҡарағанда минималь эш хаҡы 3450 һумға артҡан.

Шулай уҡ Башҡортостанда йәшәү минимумы артты. 2024 йылдың 1 ғинуарынан йән башына йәшәү минимумы 13 753 һум (хәҙер 12 650 һум) тәшкил итәсәк. Эшкә һәләтле халыҡ өсөн йәшәү минимумы дәүмәле - 14 991 һум, пенсионерҙарға - 12 530 һум, балаларға 13 340 һум тәшкил итәсәк