Республикала төп шыршы байрамы көнө билдәле булды

25 декабрҙә Өфөлә уҡыусылар өсөн республика яңы йыл шыршыһы ойошторола. Байрамға уҡыу алдынғылары, олимпиадаларҙа һәм спорт ярыштарында еңеүселәр, хеҙмәт бурысын үтәгәндә һәләк булған хәрбиҙәрҙең һәм эске эштәр органдары хеҙмәткәрҙәренең балалары, ишле һәм аҙ тәьмин ителгән ғаиләләрҙән, шулай уҡ һаулыҡ мөмкинлектәре сикләнгән балалар саҡырыла. Йәмғеһе мең бала килер тип көтөлә. Яңы йыл тамашаһы «Башҡортостан» дәүләт концерт залында була. Был хаҡта хөкүмәттең оператив кәңәшмәһендә Башҡортостандың мәғариф һәм фән министры вазифаһын башҡарыусы Альберт Яримов хәбәр итте.

Бынан тыш, балалар баҡсаларында һәм мәктәптәрҙә Яңы йыл кисәләре, ә ҡышҡы каникулдарҙа муниципалитеттарҙа яңы йыл ғаилә уйындары ойошторола. Башҡортостандың мәҙәниәт министры вазифаһын башҡарыусы Әминә Шафиҡова билдәләүенсә, әле муниципалитеттар балалар өсөн мәҙәни саралар программаһын әҙерләй. 2024 йылдың 20 декабренән 2025 йылдың 10 ғинуарына тиклем республиканың мәҙәниәт учреждениелары 1,93 миллион кеше өсөн 28 мең сара үткәрергә йыйына.

Сығанаҡ: bash.bashinform.ru

Автор:

Читайте нас:

Об использовании персональных данных

Свидетельство о регистрации СМИ: Серия ПИ №ТУ 02-01518 от 25.03.2016 г.

Тел. редакции: 8(34759)7-35-05, e-mail: kuraigazeta@mail.ru

Телефон

8(34759)7-35-05

Электрон почта

kuraigazeta@mail.ru

Адресы

Краснокамский район, с.Николо-Берёзовка, ул.К.Маркса, 4а

Реклама хеҙмәте

8(34759)7-73-53