Бөтә яңылыҡтар

МХО-ла ҡатнашыусы Рәүф Баев «Башҡортостан геройҙары» программаһына ҡушылды

МХО-нан ҡайтҡан егеттәргә йүнәлеш бирергә, тәжрибәм менән уртаҡлашырға ниәтләйем, ти Ейәнсура районының Өмбәт ауылынан МХО-ла ҡатнашыусы Рәүф Баев. Олпат яугир республикабыҙ хәрбиҙәре өсөн БР Башлығы Радий Хәбиров башланғысы менән булдырылған «Башҡортостан геройҙары» кадрҙар программаһына ҡушылды. 

МХО-ла ҡатнашыусы Рәүф Баев «Башҡортостан геройҙары» программаһына ҡушылды
МХО-ла ҡатнашыусы Рәүф Баев «Башҡортостан геройҙары» программаһына ҡушылды

МХО-нан ҡайтҡан егеттәргә йүнәлеш бирергә, тәжрибәм менән уртаҡлашырға ниәтләйем, ти Ейәнсура районының Өмбәт ауылынан МХО-ла ҡатнашыусы Рәүф Баев. Олпат яугир республикабыҙ хәрбиҙәре өсөн БР Башлығы Радий Хәбиров башланғысы менән булдырылған «Башҡортостан геройҙары» кадрҙар программаһына ҡушылды. 

Рәүф Баев 2023 йылдың йәйендә «Башҡортостан» полкы составында махсус операцияға юллана. 70-се тиҫтәһен ваҡлаған уҙаманды тәүҙә бармаҫҡа өгөтләүселәр ҙә, хәрби комиссариаттан кире ҡайтарыусылар ҙа була.

Рәүф Баев Ҡыҙыл Лиман һәм Луганск йүнәлешендә минометсы булып хеҙмәт итә. Батальонда иң олоһо булған яугирҙы хөрмәт итеп «Бай» (позывнойы) йөрөтәләр. МХО-ла ҡаһарманлыҡ менән хеҙмәт итеүе өсөн генерал Шайморатов ордены менән бүләкләнә. 

Рәүф Баев МХО-ға тиклем колхозда эшләй, республикабыҙ һыуһаҡлағыстарын төҙөүҙә ҡатнаша. Ә уға тиклем газ тәьминәте ойошмаларында водитель булып эшләй, Төмән өлкәһенә, Ямал-Ненец автономиялы округына һәм Украинаға газ үткәрә.

24 февралдә республикала МХО-ла ҡатнашыусылар өсөн «Башҡортостан геройҙары» кадрҙар проекты башланды. Был хаҡта республика етәксеһе Радий Хәбиров хәбәр итте.

Программаның маҡсаты — МХО яугирҙәре араһынан яңы быуын идарасылар әҙерләү. Проектта ҡатнашыу махсус операцияла ҡатнашҡан һәм урта һөнәри йәки юғары белемгә эйә булған һәр кем ғариза бирергә хоҡуҡлы.

МХО-ла ҡатнашыусы Рәүф Баев «Башҡортостан геройҙары» программаһына ҡушылды
МХО-ла ҡатнашыусы Рәүф Баев «Башҡортостан геройҙары» программаһына ҡушылды
Автор:
Читайте нас: