«ФормАрт-2025» иң яҡшы мурал өсөн халыҡ тауыш биреүе башланды!

Волга буйы федераль округының «ФормАрт» урам сәнғәте фестивале ҡала киңлектәрен үҙгәрткән, уларҙы заманса һәм уңайлыраҡ иткән йәш рәссамдарҙы берләштерә. Быйыл Ватанды һаҡлау, Бөйөк Ватан һуғышы тураһында иҫтәлек һәм беҙҙең заман геройҙары темаһына айырым иғтибар бүленде.

 Башҡортостан рәссамы Кирилл Ильиндың Ағиҙелдәге «Һыбайлылар» эше ошо теманың сағыу кәүҙәләнеше булды. Ун ҡатлы йорт фасадындағы монументаль әҫәр легендар 112-се Башҡорт кавалерия дивизияһы яугирҙәрен һүрәтләй.

Муралдың үҙәк образы – генерал-майор Миңлеғәли Шайморатов етәкселегендәге кавалеристтар. Эштең айырым әһәмиәтен ҡала тарихы менән бәйләнеш бирә – һуғыштан һуң Ағиҙелдә Советтар Союзы Геройы Абдулла Файзрахман улы Шаһиев йәшәгән, ул данлыҡлы дивизия яугирҙәренең береһе булған.

Тауыш биреү тәртибе:
 Түләүһеҙ номерға шылтыратығыҙ: 8 (800) 301-50-23
 1 цифрын йыйығыҙ (беҙҙең эштең номеры)
 Тауыш биреүҙе төймә менән раҫлағыҙ

Тауыш биреү 15 сентябргә тиклем дауам итә – һәр кем ҡатнаша ала!

Рәссамыбыҙҙы һәм республикабыҙҙы яҡлайыҡ! Үҙегеҙ тауыш бирегеҙ һәм мәғлүмәтте дуҫтарығыҙ менән бүлешегеҙ!